अमेरिका. अमेरिकेत कोविड-१९ विषाणूचा सर्वाधिक प्रकोप न्यूयॉर्क राज्य आणि त्यानंतर न्यूजर्सीमध्ये आढळून आला. देशातील सर्वाधिक लोकसंख्या असलेल्या न्यूयॉर्क शहर व न्यूयॉर्क राज्यात एक लाख लोकांमागे ४७६ प्रभावित आहेत. दाट लोकसंख्या असलेल्या न्यूजर्सी राज्यात एक लाख लोकांमागे २८८ प्रकरणे आहे. टाइमने देशातील ५० राज्य आणि राजधानी वाॅशिंग्टनमध्ये एक लाख व्यक्तींमागे प्रभावित लोकांच्या संख्येच्या आधारावर महामारीचे विश्लेषण केले आहे. कोणत्याही राज्यात २ एप्रिलपर्यंत महामारीचा वेग मंदावल्याचे संकेत मिळाले नाही. दक्षिण कोरिया आणि आता इटली सारख्या देशांसारखी व्हायरस नियंत्रणात येण्याची स्थिती दिसत नाही.
लोकसंख्येची घनताच राज्यात विषाणू पसरण्याच्या दरातील असमानतेचे एकमात्र कारण नाही. ११ वे सगळ्यात घनदाट राज्य कॅलिफोर्नियाची स्थिती पूर्ण देशात सर्वात चांगली आहे. तिथे एक लाख लोकसंख्येमागे २७ प्रकरणे आहेत. तसेच राष्ट्रीय सरासरी ७४ आहे. सॅनफ्रांसिस्कोच्या खाडीत कोरोना प्रभावित क्रूज शिप ग्रेंड प्रिंसेसने लंगर टाकल्यानंतर राज्यात देशाच्या अन्य भागांच्या तुलनेत सोशल डिस्टन्सिंग लवकर लागू केले होते. या तुलनेत ग्रामीणबहुल राज्य लुईसियानामध्ये एक लाखावर १९७ प्रकरणे समोर आली. पेनसिल्वानिया मागे आहे. संक्रमणात नेब्रास्काची स्थिती न्यूयॉर्कच्या मॅनहॅटन सारखीच आहे.
सोशल डिस्टन्सिंग व तपासणी हाच नियंत्रणाचा मार्ग : अनेक विशेषज्ञ मानतात की सोशल डिस्टन्सिंग आणि मोठ्या प्रमाणावर तपासणी हाच नव्या कोरोना विषाणूचा व्यापक प्रसार रोखण्याचा एकमात्र प्रकार आहे. कोविड-१९ मानवी शरीरात पसरतो. यासाठी सोशल डिस्टन्सिंगनेे विषाणूचे जीवन थांबून जाते.
